Elfar Ingi Þorsteinsson, 23 ára gamall fjárfestir, hefur nýlega fengið félagið sitt Treehaven ehf. skráð af Fjármálaeftirlitinu sem rekstraraðila sérhæfðra sjóða og vinnur nú að því að fjármagna vogunarsjóð sem mun leggja áherslu á að fjárfesta í erlendum fjármálagerningum.
Áhuginn á verðbréfafjárfestingum kviknaði snemma á unglingsaldri og í menntaskóla var Elfar þegar byrjaður að stunda verðbréfaviðskipti og daglegar fjárfestingahermanir, eða það sem nefnist „paper-trading“ á ensku. Hann hefur fengist við fjárfestingar með eigin fjármagni í samfleytt átta ár samhliða öðrum verkefnum, og nýlega ákvað hann að taka stökkið og stofna sjóðastýringarfélag.
Hluthafinn er í samstarfi við Internet á Íslandi hf. - ISNIC, skráningarstofu .is léna.
Ertu í fyrirtækjarekstri? Skráðu þitt .is lén og tengdu við tölvupóstinn þinn á einfaldan hátt.
„Líklegt að útspil bankanna sé til að bregðast við innkomu okkar“
Stofnandi Spesíu, sem mun brátt setja nýja sparnaðar- og fjárfestingaþjónustu á markað, telur líklegt að yfirvofandi innkoma fjártæknifyrirtækisins hafi ýtt Íslandsbanka og Arion banka út í það að auðvelda fólk kaup í erlendum vísitölusjóðum.
Íslandsbanki tilkynnti þá nýjung í byrjun vikunnar að nú væri hægt að kaupa í vísitölusjóðum Vanguard í smáforriti bankans. Í kjölfarið kom mjög áþekk tilkynning frá Arion banka, sem greindi frá því að hægt væri að eiga viðskipti með fjóra erlenda vísitölusjóði í smáforriti Arion.
Fjártæknifyrirtækið Spesía hefur haft það yfirlýsta markmið að einfalda fólki að fjárfesta í alþjóðlegu eignasafni. Fyrirtækið kláraði 400 milljóna króna fjármögnun á seinni hluta síðasta árs og fékk leyfi frá Fjármálaeftirlitinu sem rekstraraðili sérhæfðra sjóða í sumar. Og það styttist í að fjárfestingarþjónustan verði kynnt til sögunnar.
„Við erum á fullu í prófunum og erum á næstu vikum að bjóða fólki á biðlistum að prófa lausn Spesíu. Svo munum við opna fyrir öllum og hefja markaðssetningu í næsta mánuði,“ segir Georg Lúðvíksson, einn af stofnendum Spesíu.
„Við teljum líklegt að þetta útspil bankanna sé til að bregðast við innkomu okkar.“
Fjárfestingarþjónusta Spesíu verða sjóðir í rekstri fyrirtækisins sem kaupa alþjóðleg verðbréf með mikilli áhættudreifingu. Er markmiðið að bjóða einfaldari og ódýrari kost en það sem býðst hjá íslenskum verðbréfasjóðum, sem hafa tekið nokkuð háar þóknanir í alþjóðlegum samanburði. Samkvæmt útreikningum Spesíu hefur meira en helmingur raunávöxtunar íslenskra verðbréfasjóða frá aldamótum farið í gjöld og kostnað, og innan við helmingur runnið til fjárfesta.
Erlendu vísitölusjóðirnir sem nú bjóðast í smáforritum bankanna eru þó töluvert ódýrari. Í tilfelli Arion banka er ódýrasti kosturinn S&P 500-sjóður á vegum Fidelity og leggst þá 0,2 prósentustiga vörsluþóknun Arion banka ofan á 0,1 prósentustiga þóknun hjá sjóðastýringarrisanum. Sé dýrasti sjóðurinn valinn leggst þóknun Arion banka ofan á 0,8 prósentustiga þóknun State Street þannig að heildarárgjaldið nemur einu prósenti.
Georg segir að þóknanir Spesíu verði mun lægri en það sem þekkist hjá innlendu verðbréfasjóðunum, og sambærilegar þeim sem fylgja kaupum í erlendum vísitölusjóðum í gegnum bankana.
„En þetta er öðruvísi vara. Við erum að ráðleggja fólki um eignasamsetningu út frá markmiðum og áhættuvilja hvers og eins. Þjónusta Spesíu er því meira í ætt við eignastýringu en bein kaup í vísitölusjóðum.“
Fengu kauprétti í óskráðu tæknifélagi í örum vexti: „Viljum eiga mikið undir“
Stofnendur íslenska sprotafyrirtækisins sem var nýlega keypt af Replit, fengu hluta af kaupverðinu greiddan í formi kauprétta í bandaríska tæknifyrirtækninu en virði þess hefur vaxið á ógnarhraða að undanförnu.
Þetta þýðir að Viktor og Gunnar eru komnir í mjög fámennan hóp Íslendinga sem hafa mikla og beina hagsmuni af genginu hjá óskráðu, bandarísku gervigreindarfyrirtæki í fremstu röð.
Glefsur úr ársreikningum
Wolt tvöfaldaði tekjurnar og stórbætti rekstrarhagnað
Heimsendingaþjónustan Wolt deilir nú við sendla um kaup og kjör. Sendlar félagsins lögðu tímabundið niður störf í vikunni og en þeir segja laun sín hafa lækkað um fjörutíu prósent frá því í upphafi ársins.
Wolt sendi frá sér yfirlýsingu í gær þar sem fram kom að eftirspurn eftir heimsendingarþjónustu eins hratt í ágúst mánuði og fyrirtækið gerði ráð fyrir, og því voru fleiri sendlar til taks en þörf var á.
„Þetta hefur tímabundið fækkað þeim sendingum sem hver sendill getur tekið að sér á ákveðnum tímum í haust og þar með dregið úr heildartekjum sendla. Við búumst við að staðan batni þegar eftirspurn eykst yfir vetrartímann.“
