„Ég held við séum sá sjóður sem á flestar eignir af þessu tagi með beinum hætti“

Lífeyrissjóði Vestmannaeyja bregður stundum fyrir þegar greint er frá því að innlend fyrirtæki hafi klárað fjármögnunarlotu og hefur sjóðurinn í meiri mæli en aðrir lífeyrissjóðir hér á landi fjárfest með beinum hætti í vaxtarfyrirtækjum. Á bak við það er opið viðhorf gagnvart slíkum fjárfestingum sem má rekja allt aftur til ársins 1992.

Registur – Ný þjónusta við áskrifendur

Hluthafinn hefur hleypt af stokkunum Registur sem hefur að geyma rekstrartölur og fjárhagsupplýsingar íslenskra fyrirtækja, auk upplýsinga um eignatengsl og stjórnarsetur. Registur er, eins og stendur, innifalið í áskrift Hluthafans og innskráning á annarri vefsíðunni gildir samstundis á hinni. Hugmyndin á eftir að taka á sig skýrari mynd, en allt

HluthafinnÞorsteinn Friðrik Halldórsson

Eignastýring Lífeyrissjóðs Vestmannaeyja (LSV) er í höndum fjármálafyrirtækisins Jökla-Verðbréfa hf., sem er í meirihlutaeigu sama sjóðs. Jónas Dalberg, framkvæmdastjóri Jökla, segir að lífeyrissjóðurinn hafi fyrir mörgum árum farið í stefnumótun fyrir fjárfestingarstefnuna, sem sé í eðli sínu varfærin.

„Við þurfum að skila góðri ávöxtun til að standa undir skuldbindingum og niðurstaðan í þessari stefnumótun var sú að sjóðurinn ætti að vera tilbúinn að taka áhættu í óskráðum eignum,“ segir Jónas. Lífeyrisbyrðin – en það er hlutfallið milli lífeyrisgreiðslna og iðgjalda – er í kringum 159 prósent.