Verðhækkanir í hugbúnaðargeiranum eru á meðal þeirra þátta sem skýra aukningu í kostnaði Íslandsbanka vegna upplýsingatækni og leitast bankinn við að þróa eigin lausnir þegar það svarar kostnaði.
Íslandsbanki birti uppgjör í síðustu viku sem sýndi rekstrarkostnað hækka um 11,9 prósent og var hækkunin yfir spám greinenda. Megnið var hægt að rekja til launaþróunar og kaupaukakerfis, en einnig mátti merkja töluverða aukningu vegna upplýsingatækni.
