Tækifærin í nýjum útflutningi eru fyrirferðarmikil á síðum Hluthafans þessa dagana. Við fjölluðum um það í síðustu viku hvernig verulegur hluti af fjárfestingum gagnavera, sem eru þegar farin að skila 6 prósentum af heildarútflutningstekjum, eigi eftir að koma fram.
Núna birtum við viðtal við Dan Sutton, forstjóra Syntholene, sem er skráð á hlutabréfamarkaðina í Chicago og Frankfurt. Syntholene hefur reist tilraunastöð við Húsavíkurvirkjun sem ætlað er að sýna fram á það að sérstakir rafgreinar, sem voru upphaflega þróaðir til noktunar í kjarnorkuverum, virki vel í jarðvarmavirkjunum til að framleiða sjálfbært þotueldsneyti (eSAF) í formi vetnis.
Með því að nýta hátt hitastig þarf minni raforku en ella til að kljúfa vatn í vetni, og Syntholene gerir ráð fyrir því að framleiðslukostnaður verði 1,25 dalir á lítra, sem er um 70 prósentum minna en þekkist í dag. Og með því að setja þetta í samhengi við stigvaxandi kröfur ESB til flugfélaga um notkun á eSAF telur Sutton að Ísland geti í fyllingu tímans orðið nettóútflytjandi sem flytur milljarða tunna af eSAF til Evrópu.
Auk þess greindi Hluthafinn fyrstur miðla frá því að námufélagið Greenland Mines hefði tryggt sér forkaupsrétt á lóð í Helguvík þar sem hið umdeilda kísilver United Silicon var áður með starfsemi. Námufélagið telur að Helguvík geti orðið miðstöð fyrir vinnslu og flutninga á gulli og sjaldgæfum málmum frá Grænlandi.
Nýjasta fréttin fjallar um það hvernig tæknifyrirtækið Taktikal er að færa út kvíarnar á Norðurlöndunum og svo inniheldur fréttabréfið bónusefni um það hvernig hvernig óvissa um afstöðu SKE setur sitt mark á stóra samruna í ferðaþjónustu og hvernig ung heildsala heldur áfram að vaxa með fáheyrðum hætti.
Hérna er það helsta:
- Sjálfbært eldsneyti getur orðið stór útflutningsgrein, segir forstjóri Syntholene
- Skráð námufélag tryggði sér forkaupsrétt í Helguvík
- Taktikal í markaðssókn á Norðurlöndunum
- Óvissa vegna SKE réð miklu um vendingar Arctic Adventures
Hluthafinn er í samstarfi við Internet á Íslandi hf. - ISNIC, skráningarstofu .is léna.
Ertu í fyrirtækjarekstri? Skráðu þitt .is lén og tengdu við tölvupóstinn þinn á einfaldan hátt.
Ísland getur séð Evrópu fyrir sjálfbæru þotueldsneyti, segir forstjóri Syntholene
Bandaríska fyrirtækið Syntholene Energy áformar að nýta jarðvarma á Íslandi til að framleiða sjálfbært þotueldsneyti, sem verður mun ódýrara en það sem flugfélögum stendur til boða í dag. Tilraunastöð sem er ætlað að sýna fram á fýsileika verkefnisins verður gangsett við Húsavíkurvirkjun í næstu viku.
Taktikal í markaðssókn á Norðurlöndunum
Íslenska tæknifyrirtækið Taktikal, sem sérhæfir sig í sjálfvirkum ferlum fyrir rafrænar auðkenningingar, undirskriftir og aðrar traustþjónustur, hefur nýlega náð góðri fótfestu á Norðurlöndunum og sér fram á töluverðan vöxt á þessu markaðssvæði.
Valur Thor Gunnarsson, framkvæmdastjóri og einn af stofnendum Taktikal, segir að tæknilausnin Smartflows sé með þeim allra bestu á sínu sviði í heiminum enda hafi fá önnur fyrirtæki farið jafnmikið á dýptina í þróun.
Skráð námufélag tryggði sér forkaupsrétt í Helguvík
Námufyrirtækið Greeland Mines hefur tryggt sér forkaupsrétt á iðnaðarsvæðinu í Helguvík þar sem áður var rekið umdeilt kísilver. Ákveði námufyrirtækið að nýta forkaupsréttinn getur Helguvík orðið miðstöð fyrir vinnslu og flutninga á gulli og sjaldgæfum málmum frá Grænlandi.
Óvissa vegna SKE réð miklu um vendingar Arctic Adventures
Óvissa um afstöðu Samkeppniseftirlitsins var á meðal þess sem hvatti Arctic Adventures til að slíta viðræðum við Icelandia (áður Kynnisferðir) og undirrita þess í stað samkomulag um samruna við Bláa lónið eftir að kauptilboð barst úr þeirri átt.
Samrunaviðræður milli Arctic Adventures og Icelandia höfðu staðið yfir síðan í október á síðasta ári þegar þeim var skyndilega slitið í byrjun júní. Skömmu síðar var tilkynnt að Arctic Adventures og Bláa lónið hefðu undirritað samkomulag um samruna.
