Nýtt innlent félag að nafni Verja Capital vinnur að því að stofna vísisjóð sem fjárfestir í viðnámsþróttartækni (e. Resilience tech) á Norðurslóðum. Stofnendur félagsins segja að aukin áhersla á hugtök eins og viðnámsþrótt og öryggi sé ekki tískufyrirbrigði heldur kerfislæg hliðrun í heimshagkerfinu sem breytir því hvert fjármagnið flæðir.
Vicki Preibisch og Graham De Jong, stofnendur Verja Capital, eru bæði af erlendu bergi brotin og búa yfir víðtækri reynslu eftir störf hjá alþjóðlegum fjármálastofnunum og ráðgjafarfyrirtækjum. Vicki starfaði í fjármálageiranum í meira en áratug; fyrst hjá Efnahags- og þróunarbanka Evrópu (EBRD) í London og næst sem stjórnandi á fjárfestingabankasviði Citigroup í Amsterdam þar sem hún kom að margvíslegum fjárfestingum frá A til Ö, stórum fjármögnunarlotum og frumútboðum.
