Hluthafinn og AKKUR kynna Uppgjörið til leiks

Hluthafinn og greiningarfyrirtækið AKKUR hafa birt fyrsta þáttinn í nýju hlaðvarpi sem ber heitið Uppgjörið. Í þáttunum fjöllum við um hlutabréfamarkaðinn – bæði um einstök félög og almennar horfur – ásamt því að ræða það helstu viðskiptafréttir og það sem okkur þykir áhugaverðast hverju sinni í efnahagsmálum, nýsköpun o.s.frv. Við stefnum á reglulega útgáfu en það á eftir að koma betur í ljós hvernig takturinn verður.

Í þessum fyrsta þætti er drepið á nokkrum fréttum sem Hluthafinn birti í vikunni, t.d. um það hvernig Reitir eru að haga fjárfestingum eftir öldrun þjóðarinnar og hvernig erlendir sjóðir meta atkvæðisgreiðslu um aðildarviðræður.

Fjallað er um áhugaverðar niðurstöður í nýjustu markaðskönnun AKKUR sem varpa ljósi á væntingar markaðsaðila til einstakra bréfa og almennt til þróunar hlutabréfaverðs, og um ný uppgjör Eikar Reita og Nova.

Uppgjörið er hlaðvarp sem fjárfestar mega ekki láta fram hjá sér fara.

Hluthafinn er í samstarfi við Internet á Íslandi hf. - ISNIC, skráningarstofu .is léna.

Ertu í fyrirtækjarekstri? Skráðu þitt .is lén og tengdu við tölvupóstinn þinn á einfaldan hátt.

Finndu þitt .is lén

Öldrun þjóðarinnar hefur lengst af verið heldur fjarlægt fyrirbrigði sem birtist ekki nema í langtímaspám hjá opinberum stofnunum og nefndum. Vissulega er mikið fjalla um það hvernig fæðingartíðni hefur hrunið á heimsvísu en afleiðingar til lengri tíma hafa ekki verið sérlega áþreifanlegar.

En nú er þessi þróun orðin svo „konkret“ að skráð fyrirtæki er byrjað að haga fjárfestingum sínum í samræmi við horfurnar. Forstjóri Reita segir að öldrun þjóðarinnar sé einn af þeim stóru straumum í hagkerfinu sem hann horfir til og ætlar fasteignafélagið að mæta eftirspurninni sem því fylgir.

Reitir eru ekki eina skráða fyrirtækið sem tekur tillit til öldrun þjóðarinnar við mótun á framtíðarstefnu. Þegar Festi kynnti árshlutauppgjör í október í fyrra kom fram á kynningarfundinum að öldrun þjóðarinnar væri stjórnendum dótturfélagsins Lyfju ofarlega í huga.

„Það er ekki langt í það að meira en helmingur þjóðar verði 55 ára og eldri, og við vitum hvað það þýðir fyrir heilbrigðisþjónustu og hvernig markaðurinn okkar mun stækka,“ sagði framkvæmdastjóri Lyfju.

Evolv Robotics, tæknifyrirtækið sem Advania keypti í vor, var með tekjur upp á fleiri hundruð milljónir króna og 40 prósenta hagnaðarhlutfall á síðasta ári. Þetta er tiltölulega ungt fyrirtækið, stofnað árið 2020, og hefur það skilað hagnaði frá fyrsta heila starfsárinu.

Kaupverðið var ekki gefið upp þegar tilkynnt var um viðskiptin. En það var að minnsta kosti nógu hátt til að rata í uppgjörskynningu Kviku fyrir fyrsta árshluta ásamt viðræðum Sýnar um 5,2 milljarða sölu á vefmiðlum sínum sem dæmi um tvö helstu verkefni fyrirtækjasviðs Kviku á fjórðungnum.

Stærsti erlendi fjárfestirinn á innlendum skuldabréfamarkaði virðist gera sér vonir um það að samleitni íslenskra og evrópskra vaxta þrýsti upp verði ríkisbréfa ef niðurstaðan í komandi atkvæðisgreiðslu verður „já“. Annar erlendur sjóður, sem einnig er með stöðu á íslenskum verðbréfamarkaði, er þó ekki jafnspenntur fyrir möguleikanum á inngöngu í ESB þótt áhrifin á ríkisbréf kunni að vera jákvæð.

Hluthafinn átti frumkvæði að því að leita sjónarmiða hjá bandarískum sjóði sem er með stöðu í íslenskum verðbréfum, en er ekki bundinn við sérstaklega einn tiltekinn eignaflokk umfram annan. Vildi sjóðurinn ekki blanda sér í umræðuna en útskýrði sjónarmiðin í grófum dráttum undir nafnleysi.

Gildi lífeyrissjóður hélt áfram að selja sig niður í fáeinum innlendum hlutafélögum í ágústmánuði þótt umfangið hefði verið töluvert minna en þegar mest lét í júlí. Hrein sala frá því í byrjun sumars er nú komin yfir 10 milljarða króna og ríkir óvissa um það hvenær lífeyrissjóðurinn lætur gott heita.

Tvær meginástæður eru á bak við hreyfingar lífeyrissjóðsins í sumar. Annars vegar er það fjárfestingarstefnan fyrir árið 2026 þar sem sjóðurinn setti stefnuna á að auka vægi erlendra hlutabréfa og innviðasjóða í eignasafninu. Hins vegar eru það samrunaviðræður við Festu lífeyrissjóð sem tilkynntar voru í júní og hafa þær líklega verið áhrifameiri þáttur á allra síðustu mánuðum.