„Ég á ekki hundrað óseldar íbúðir, en margir af kollegum mínum eru í þeirri stöðu“

Stjórnendur byggingarfélaga segja að eigið fé margra fyrirtækja í atvinnugreininni muni brenna upp ef ástandið á íbúðamarkaði batnar ekki í bráð. Eiginfjárstaða greinarinnar er sterk á heildina litið og eins eru góð skilyrði fyrir viðsnúningi þegar vextir lækka. En eftir bakslag í vaxtalækkunarferli Seðlabankans halda vextir áfram að hlaðast ofan á skuldir greinarinnar og það fjölgar í hópi þeirra sem sitja uppi með óseldar íbúðir.