Fjármálaráðuneytið hefur opnað á þann möguleika að skylda lífeyrissjóði til að taka mið af sjálfbærni þegar þeir taka ákvarðanir um fjárfestingar. Þetta er ein af þeim 150 aðgerðum sem saman mynda nýja aðgerðaáætlun stjórnvalda í loftslagsmálum og voru kynntar á blaðamannafundi í gær.
„Meðal breytinga sem koma til greina eru að mæla með afdráttarlausari hætti fyrir um heimild eða skyldu lífeyrissjóða til að taka mið af sjálfbærni við fjárfestingarákvarðanir,“ segir í aðgerðaáætluninni.