Þarf ríkið að fjárfesta í meiri reiknigetu innanlands?
Nýsköpunarráðuneytið vinnur að því að fá skýrari yfirsýn yfir reiknigetu innanlands og varpa ljósi á mögulega þörf. Fjöldi ríkja hefur ákveðið að verja miklum fjármunum í uppbyggingu gagnavera í þágu gervigreindarfullveldis en stjórnandi hjá Advania segir líklegt að hægt sé að skala upp innviðina sem eru nú þegar til staðar með viðbótarfjárfestingum til þess að mæta framtíðarþörf fyrir reikniafl.
„Til lengri tíma litið sé ég ekki fyrir mér að tækniinnviðir né heldur aðgengi að orku hérlendis muni hamla því að við náum að mæta innlendri þörf fyrir hérlendar gervigreindarvinnslur. Í öllum alþjóðlegum samanburði ættum við að vera vel sett að því leytinu til, sé horft til næstu ára.“
Hluthafinn er í samstarfi við Internet á Íslandi hf. - ISNIC, skráningarstofu .is léna.
Ertu í fyrirtækjarekstri? Skráðu þitt .is lén og tengdu við tölvupóstinn þinn á einfaldan hátt.
Stjórnendur gíra sig niður í sjálfbærni
Eigandi ráðgjafarfyrirtækis sem sérhæfir sig í sjálfbærni segir að mörg fyrirtæki skeri niður kostnað við sjálfbærnimál eftir að hafa keypt dýra ráðgjöf og endurskoðunarvinnu til að búa sig undir kvaðir sem eiga síðan ekki við þegar upp er staðið. Þá hafi tilhneigingin verið sú að leggja áherslu á of mörg mál þannig gagnsemi vinnunnar, bæði hvað varðar áhrif á sjálfbærni og rekstur, þynnist út.
„Þetta voru pakkar sem kostuðu þau marga tugi milljóna króna. Eðlilega spyrja stjórnendur sig hver tilgangur þess kostnaðar var og hvernig hann nýtist áfram – sem er ekki alltaf ljóst – og því fara þeir niður um tvo gíra.“
Verðbréfafélög fá að greiða tvöfalt meiri kaupauka
Hluthafinn greindi fyrstur miðla frá því að nýtt frumvarp, sem felur í sér innleiðingu á Evrópureglum, hefði í för með sér að innlend verðbréfafyrirtæki, sem hafa hingað til fallið undir sömu ströngu takmarkanirnar og stóru viðskiptabankarnir, geti greitt starfsmönnum tvöfalt meiri kaupauka tíðkast nú.
Tímaspursmál hvenær Rússar herja á innviði
Framkvæmdastjóri Veitna segir að það sé aðeins tímaspursmál hvenær Rússar geri tilraunir til skemmdarverka á mikilvægum innviðum á Íslandi, svo sem á vatnsbólum, eins og gerst hefur á Norðurlöndunum og víða í Evrópu. Gera þurfi ráð fyrir að Rússar reyni að ráða fólk sem vinnur í veitu- og orkugeiranum á Íslandi eða innlend glæpagengi til að fremja skemmdarverkin.
Seðlabankinn leitar leiða til að minnka flækjustig
Seðlabankinn hefur uppfært stefnu sína til að endurspegla viðleitni til að einfalda framkvæmd fjármálaeftirlits. Bankinn segist nú þegar hafa minnkað skýrsluskil fjármálastofnana og leitar fleiri leiða í samstarfi við fjármálaráðuneytið.
