Skráning ríkisfélaga, tíðar arðgreiðslur og breytt sjóðaform eru á „óskalistanum“

Sjóðafyrirkomulagið sem tíðkast hér á landi hefur stuðlað að því að hlutabréfasjóðir setja tiltölulega mikla vigt á tiltölulega fá félög, sem jafnvel eru enn í vaxtarfasa, og mikilvægt er að huga að aukinni áhættudreifingu í hlutabréfasjóðum fyrir almenning. Þetta kom fram í máli Jóhanns Möller, framkvæmdastjóra markaða hjá Arion banka, á ráðstefnu Samtaka fyrirtækja í fjármálaþjónustu og Nasdaq Iceland í morgun.