Jón Ingi Bergsteinsson, stofnandi SMART-TRIAL og stjórnarformaður IceBAN, vinnur að því að safna fjármagni frá fagfjárfestum til að koma af stað nýjum íslenskum vísisjóði sem mun sérhæfa sig í sprotafjárfestingum á sviði lækningatækni á Norðurlöndunum.
Jón stofnaði SMART-TRIAL, sem aðstoðar fyrirtæki í lækningatækni við klínískar rannsóknir, í Danmörku árið 2013 og varði níu árum í að skala upp fyrirtækið áður en það var selt til Bandaríkjanna árið 2022.
„Á þessum tíma náðum við að aðstoða hundruð fyrirtækja við að klára klínískar rannsóknir og komast á markað, og byggðum upp leiðandi fyrirtæki í Evrópu á þessu sviði,“ segir Jón Ingi í samtali við Hluthafann.
