Mesta flæðið í skuldabréfasjóði frá árinu 2022

Hreint innflæði í skuldabréfasjóði nam tæplega 4,5 milljörðum króna í október og hefur ekki verið meira frá því í mars 2022. Þetta má lesa úr nýjum mánaðarlegum tölum um verðbréfasjóði sem Seðlabanki Íslands birti í gær.

Ávöxtunar­krafa ríkis­skulda­bréfa, sem er í neikvæðu sam­bandi við verð bréfanna, hefur farið lækkandi frá því um miðjan október. Sú þróun hélt áfram í gær þegar mæling á vísitölu neyslu­verðs, sem var mun hag­felldari en grein­endur höfðu reiknað með, sýndi verðbólgu hjaðna í 3,7 pró­sent. Mælingin kom í kjölfarið á 25 punkta vaxtalækkun í síðustu viku.

Styttist í þáttaskil á skuldabréfamarkaði?

Sjóðstjórar skuldabréfasjóða hjá Kviku eignastýringu leiða líkur að því, að á næstu misserum muni hallinn á vaxtarófinu breytast úr því að vera niðurhallandi í það að vera upphallandi. Sögulega séð hefur þessum þáttaskilum fylgt mjög mikil ávöxtun skuldabréfa í samanburði við innlán, en síðarnefndi eignaflokkurinn hefur haft yfirhöndina í þrjú

HluthafinnÞorsteinn Friðrik Halldórsson

Síðustu þrjú ár eða svo hafa styttri vextir eins og inn­lán og víxlar skilað tölu­vert betri ávöxtun en lengri skulda­bréf. Í greiningu Kviku eignastýringar, sem var birt í lok septem­ber og Hlut­hafinn greindi frá, kom fram að þetta kynni að breytast á næstunni. Sögu­lega hefði slíkum þátta­skilum fylgt mikil ávöxtun skulda­bréfa um­fram inn­lán.

„Það hefur dregið mjög saman með ávöxtunar­kröfu styttri og lengri bréfa og því lík­legt að ein­hverjir hugsi sig tvisvar um áður en þeir rúlla inn­láninu sínu eða öðrum skammtíma­vöxtum.