Innlend hugbúnaðarfyrirtæki þurfa að vera á tánum og móta stefnu sem tekur mið af þeim breytingum sem fylgja gervigreind. Þetta segir Hjálmar Gíslason, stofnandi og framkvæmdastjóri GRID, í viðtali um það sem býr að baki verðlækkunum hugbúnaðarfyrirtækja á erlendum hlutabréfamörkuðum og hvað það getur þýtt fyrir íslenskar hugbúnaðarlausnir.
„Hugbúnaður sem ekki gerir ráð fyrir að sumir „notendur“ þeirra séu „erindrekar“ (e. AI agents) mun verða undir á næstu árum. Í þessu felast svo líka gríðarleg tækifæri fyrir þau fyrirtæki sem eru fljót að átta sig og rata á réttu nálgunina,“ segir Hjálmar.
Hluthafinn er í samstarfi við Internet á Íslandi hf. - ISNIC, skráningarstofu .is léna.
Ertu í fyrirtækjarekstri? Skráðu þitt .is lén og tengdu við tölvupóstinn þinn á einfaldan hátt.
Skráning ríkisfélaga, tíðar arðgreiðslur og breytt sjóðaform eru á „óskalistanum“
Sjóðafyrirkomulagið sem tíðkast hér á landi hefur stuðlað að því að hlutabréfasjóðir setja tiltölulega mikla vigt á tiltölulega fá félög, sem jafnvel eru enn í vaxtarfasa, og mikilvægt er að huga að aukinni áhættudreifingu í hlutabréfasjóðum fyrir almenning.
Þetta kom fram í máli Jóhanns Möller, framkvæmdastjóra markaða hjá Arion banka, á ráðstefnu Samtaka fyrirtækja í fjármálaþjónustu og Nasdaq Iceland. Hann lagði fram tíu tillögur sem miða að því að efla íslenska hlutabréfamarkaðinn og þá einkum með aukinni þátttöku almennings.
Innlánaþung og sístækkandi séreign með dræma ávöxtun
Tómas Brynjólfsson, varaseðlabankastjóri fjármálastöðugleika, vill leita leiða til að nýta betur séreignarsparnað heimilanna, sem vex hratt í umfangi og er að miklu leyti á innlánsreikningum.
„[...] þótt innlán skipti höfuðmáli við fjármögnun bankakerfisins, og bankakerfið skipti höfuðmáli fyrir fjárfestingu í jafnlitlu hagkerfi og okkar, þá hlýtur að mega leita leiða til að nýta þessa fjármuni betur.“
Skráð félög sjá fram á meira umstang í kringum starfskjör
Atvinnuvegaráðuneytið birti á dögunum drög að innleiðingu á Evróputilskipuninni SRDII, sem miðar að því að „hvetja til langtímaþátttöku hluthafa“ og auka gagnsæi í samskiptum hluthafa og skráðra fyrirtækja.
