Sigurbjörn Sigurbjörnsson, sem stýrði SL Lífeyrissjóði í 28 ár, telur að verðbréfamarkaðurinn kunni að ofmeta fjárfestingagetu lífeyrissjóða til lengri tíma litið.
Hann leiðir líkur að því að auknar útgreiðslur, sem helgast af stórum árgöngum og ásókn í snemmbúna lífeyristöku, kunni að leiða til þess að sjóðirnir minnki hægt og bítandi stöður sínar á innlendum hlutabréfamarkaði, bæði sem beinir hluthafar og í sjóðum sem fjárfesta í hlutabréfum
„Þetta er ekki að gerast á morgun en er stór áskorun horft fram á veginn,“ segir Sigurbjörn, sem lét af störfum sem framkvæmdastjóri SL Lífeyrissjóðs síðustu mánaðamót eftir langan og samfelldan feril hjá sjóðnum.
Gervigreind getur rutt fimmta hverjum starfsmanni úr vegi
Einn af hverjum fimm á íslenskum vinnumarkaði er í hættu á því að missa starfið til gervigreindar í tímans rás en almennt standa íslenskir launþegar þó betur að vígi en launþegar í öðrum þróuðum ríkjum. Þetta eru niðurstöður greiningar Alþjóðagjaldeyrissjóðsins, sem birti sína árlegu úttekt á efnahagslífinu í gær.
Eaton Vance minnkar við sig í Arion eftir mikil uppkaup í vor
Bandaríska eignastýringarfélagið Eaton Vance seldi í kringum 1,5 milljónir hluta í Arion banka í síðustu viku, jafnvirði um 250 milljóna króna, samkvæmt lista bankans yfir stærstu hluthafana.
Bandaríska félagið hafði byggt upp stöðu í bankanum frá því í október á síðasta ári og í maí var hlutabréfaeignin orðin 19,1 milljónir hluta, eða sem nemur ríflega 3 milljörðum króna.
