Hópur fulltrúa úr íslensku atvinnulífi og frá stjórnvöldum fundaði á dögunum í Washington með háttsettum embættismönnum innan bandaríska stjórnkerfisins og aðilum frá stórum, bandarískum tæknifyrirtækjum samkvæmt heimildum Hluthafans. Á fundinum voru lögð fram áform og tillaga sem gæti stuðlað að lækkun tolla á íslenskar vörur.
Funduðu um sæstreng og gagnaver með háttsettum embættismönnum í BNA
Hópur Íslendinga sótti ráðstefnu um stafræna innviði í Washington í byrjun september. Ráðstefnan sjálf var í raun aukaatriði en tilefnið var nýtt til að skipuleggja fundi með lykilaðilum á þessu sviði innan bandaríska stjórnkerfisins og einnig fulltrúum tæknirisa, þar á meðal Nvidia.
