Fjöldinn allur af samningum háður rýni og blessun ráðherra

Frumvarp um rýni á fjárfestingum erlendra aðila er þannig úr garði gert að fjöldi viðskiptasamninga, svo sem þeir sem Landsvirkjun og Icelandair gera við erlenda birgja, koma á borð atvinnuvegaráðherra og verða háðir samþykki hans. Þá sjá fyrirtæki fram á það að þurfa að bæta við fyrirvörum um samþykki ráðherra í skuldabréfaútboð með mögulega neikvæðum áhrifum á fjármögnunarkjör.