Margfalt hærri fasteignagjöld á orkufélög og aðrar gjaldahækkanir vofa yfir

Íslensk orkufyrirtæki horfa fram á það að greiða margfalt hærri fasteignagjöld – allt að nífalt hærri í einu tilfelli – ef frumvarp þess efnis nær fram að ganga í óbreyttri mynd. Fyrirtækin lýsa yfir verulegum áhyggjum af því hvernig svo mikil skattahækkun, sem leggst ofan á frekari hækkun flutningsgjalda og möguleg auðlindagjöld, hefur áhrif á samkeppnishæfni orkugeirans.