Ólíklegt er að sitjandi ríkisstjórn setji á dagskrá frumvarp fyrri stjórnar sem miðaði að því að dýpka verðbréfamarkaðinn með frjálsari ráðstöfun séreignarsparnaðar. Aðilar vinnumarkaðarins þrýstu á að málið yrði fyrst tekið fyrir í grænbók um lífeyriskerfið en nú þegar styttist í útgáfu bókarinnar stefnir í að breytingarnar fái ýmist dræmar undirtektir eða litla umfjöllun.
„Það yrðu Kauphöllinni óneitanlega vonbrigði ef ríkisstjórnin legði ekki fram frumvarp um frjálsari ráðstöfun viðbótarlífeyrissparnaður,“ segir Magnús Harðarson, forstjóri Kauphallarinnar, í samtali við Hluthafann.
Sannfæring BlueBay óhögguð – Hver seldi þá ríkisbréfin?
BlueBay Assset Management, stærsti erlendi fjárfestirinn á íslenskum skuldabréfamarkaði, segir að sannfæring fyrirtækisins hvað varðar íslensk ríkisskuldabréf og hagkerfið í heild sinni hafi ekki haggast á síðustu örfáu mánuðum. BlueBay hefur verið sterklega orðað við nýlega sölu á ríkisbréfum en samkvæmt heimildum Hluthafans kom söluþrýstingurinn líklega frá öðrum erlendum fjárfesti.
Erlend fyrirtæki renna hýru auga til Monerium
Á síðasta ári leituðu nokkur erlend fyrirtæki, bæði stór og smá, til íslenska fjártæknifyrirtækisins Monerium til að kanna möguleikann á samruna eða yfirtöku.
Monerium gefur út evrutengda stöðugleikamynt en það er rafmynt á bálkakeðjum sem er fest við gengi hefðbundinna gjaldmiðla.
Síðasta haust keypti Stripe fjártæknifyrirtækið Bridge fyrir 1,1 milljarð dala en Bridge auðveldar fyrirtækjum notkun á stöðugleikamyntum í greiðslumiðlun. Þrátt fyrir verðmiðann var velta Bridge áætluð á bilinu 10-15 milljónir dala í fyrra.
Skotsilfur
Geópólitískur meðbyr fyrir íslenska tæknifyrirtækið DTE
Almennt má segja að tollastríð sé til þess fallið að draga úr efnahagsumsvifum í heimshagkerfinu og skerða lífskjör. Tilteknar atvinnugreinar, einkum þær sem fá skjól frá erlendri samkeppni, kunna þó að njóta góðs af aukinni tollvernd og jafnframt má finna dæmi um stöku fyrirtæki sem finna fyrir óbeinum, jákvæðum áhrifum af slíkri röskun á milliríkjaviðskiptum. Eitt þeirra er íslenska tæknifyrirtækið DTE.
