Hvaða umbótamál hefur hlotið blessun Evrópusambandsins og Seðlabanka Íslands, nýtur stuðnings flestra þátttakenda á íslenskum fjármálamarkaði og rímar við markmið nýju atvinnustefnunnar sem íslensk stjórnvöld boða?
Þetta er ekki mál sem er líklegt til að valda miklum usla í samfélaginu eins og sala á hlut í Landsvirkjun eða Landsbankanum. Þvert á móti má ætla að flest fólk taki breytingunum fagnandi ef það hefur skoðun á þeim yfirhöfuð.
Frumvarpsdrögin voru meira að segja tilbúin eftir tíð síðustu ríkisstjórnar og meðbyrinn aldrei meiri. Tíðarandinn, bæði hér á landi og í Evrópu, kallar beinlínis á aðgerðir í þá veru. Hið eina sem ráðherra þurfti að gera var að taka af skarið og uppskera lof.
Stjórnarandstaðan varð þó fyrri til.
