Skilyrðin fyrir hugbúnaðarlausnum sem varða fjölbreytileika og inngildingu á vinnustöðum virtust hafa versnað til muna eftir valdaskiptin í Bandaríkjunum í byrjun árs. En stofnandi Öldu Solutions, sem starfar á þessu sviði, segir sprotafyrirtækið hafa landað samningi við alþjóðlegt stórfyrirtæki með höfuðstöðvar í Bandaríkjunum. Og það eru fleiri stórir samningar í pípunum.
„Það sem gerðist á fyrri hluta ársins breytir því ekki að DEI er áfram meginstraumur í atvinnulífinu og við erum þar með gagnadrifna heildarlausn,“ segir Þórey V. Proppé, stofnandi Öldu.
Skammstöfunin DEI vísar til fjölbreytileika, jöfnuðar og inngildingar á vinnustöðum. Með hugbúnaði Öldu geta fyrirtæki nálgast rauntímagögn, lykilmælikvarða, aðgerðaáætlanir og örfræðslu í þessum efnum.
